الكلنا نحبو صغارنا يكونوا متطلعين على أغلب الميادين و متكونين تكوين متكامل،وماذابينا نحافظوا على صحتهم الجسدية والنفسية.
في هذا الإطار، تنظم الغرفة الفتية العالمية بالعالية تظاهرة Rising Kids يومي 7 و8 سبتمبر 2024.التظاهرة هذي بش تشمل عدة تدخلات لأطباء و معلمين بش يسهلو علينا التعامل مع أطفالنا و يجاوبونا على الأسئلة في هذا الشأن ، منهم مربي ، اخصائي نفسي ، أخصائي تغذية ، طبيبة أسنان ...
بالإضافة الى عدة أنشطة للصغار، لي بش تكون الفرصة الانسب و الأثمن بش يتعرف عليها الطفل ، كيما البستنة ، الرسم ، الخط العربي، الطبخ ، و تكوين مُبَسّط بس نخرجو رجال وسيدات الأعمال الموجودين في صغيراتنا.
هدفنا أنو تكون التظاهرة هذي هي وسيلة و باب لاكتشاف المواهب الصاعدة و غرام الصغيرات و الإجابة على عدة أسئلة عند كثير من الأولياء.الدعوة مفتوحة للصغار و للكبار و حضوركم يشرفنا جدا.
نستناوكم يومي 7 و 8 سبتمبر في دار الشباب العالية.
تعليقات
إرسال تعليق